【Emily】亞冬會開幕 李家超為港隊打氣
[2025.02.08] 發表
【明報專訊】特首李家超伉儷到訪哈爾濱，噚日中午出席國家主席習近平同夫人彭麗媛為亞洲冬季運動會開幕禮國際貴賓舉行嘅歡迎宴會。到咗夜晚，李家超等人參加亞冬會開幕式，佢話來自亞洲34個國家同地區嘅運動員齊聚一堂，而中國香港代表團步入會場時，佢即歡呼打氣，內心十分激動。
隨行嘅香港代表團噚日分別有唔同活動，文體旅局長羅淑佩朝早就去咗哈爾濱平房區冰壺館及黑龍江省冰上訓練中心綜合館，觀賞亞冬會冰壺及短道速滑賽事，賽後仲同運動員交談，為港隊打氣。李家超喺facebook話，首次出征亞冬會嘅香港冰壺隊成員喺小組以次名出線，雖然喺資格賽輸畀強敵，但已為香港喺亞冬會舞台上寫下歷史新一頁。
更多港聞
相關新聞
