【Emily】全運會吉祥物登陸添馬 8高官打卡
[2025.02.05] 發表
【明報專訊】全運會、殘疾人運動會暨特殊奧林匹克運動會分別喺今年11月同12月舉行，8名女高官噚日喺添馬公園同一對中華白海豚造型吉祥物「喜洋洋」同「樂融融」打卡宣傳。
呢8名女高官分別係運輸及物流局長陳美寶(左起)、特首辦主任葉文娟、教育局長蔡若蓮、文體旅局長羅淑佩、發展局長甯漢豪、公務員事務局長楊何蓓茵、房屋局長何永賢、民青局長麥美娟，各自手持吉祥物公仔喺添馬公園嘅花圃打卡。蔡若蓮噚日喺facebook發帖，話教育局已設立全運會專頁，持續為學校提供學與教資源同活動資訊，例如介紹香港會承辦全運會嘅沙灘排球、高爾夫球等多項賽事，希望學生更深入了解呢項國家級盛事，為運動員加油。
更多港聞
相關新聞
