【Emily】葉劉雀躍去論壇 「碧咸都係WEF嘉賓」
[2025.01.27] 發表
【明報專訊】行會召集人葉劉淑儀日前話大腿有小瘡要做小手術，但無礙佢出發去瑞士達沃斯出席世界經濟論壇(WEF)嘅「女性政治領袖論壇」。葉太返港話，舊年收到WEF邀請，由於先前未去過WEF會議，所以收到時都幾雀躍，隨即答應同安排。
葉太噚日喺facebook寫低今次行程觀察，話參加論壇嘅人要畀800瑞士法郎(約6880港元)，企業費用更高。雖然全球都有各式論壇，佢話始終以WEF最觸目，每年出席嘉賓都係最有影響力嘅政經學術領袖，例如英國足球名宿碧咸今年都係嘉賓，形容WEF「金漆招牌」絕對係地位崇高。
話中國今年低調 派蛇年吉祥物
國務院副總理丁薛祥日前應邀出席論壇，但葉太話中國喺今年論壇相對低調，參加企業應該唔超過10家，又話據聞中國代表現場不斷向參加者派發蛇年吉祥物。葉太話，場內邊個國家或企業展館受到熱捧，某程度反映世界潮流，例如印度會場設有大型展館，而印尼場館都頗為矚目。
佢喺行程中出席歐洲天使投資者論壇，話因為美國政策素來吸納全球資本，而美國總統特朗普表明「美國優先及最強」，葉太話難怪唔少嚟自歐洲國家嘅出席者，對投資前景都表現得憂心忡忡。
更多港聞
【Emily】煤氣公司研控制器 上門加裝助遙距熄火
【明報專訊】長者煮嘢食有時唔記得熄火，可能釀成家居意外。煤氣公司早前透過社區網絡，向有需要嘅獨居長者送贈自行研發嘅煮食爐智能控制器，幫長者透... 詳情
【Emily】人才辦新春義工活動 內地書法家教學童揮毫
【明報專訊】臨近歲晚，由杭州來港定居一年半嘅內地書法家黃安，最近參與由香港人才服務辦公室同合作伙伴舉辦嘅新春義工活動，教小學生寫揮春。黃安話... 詳情
【明報專訊】母乳餵哺對嬰兒健康有莫大裨益。推行多項母乳餵哺友善措施嘅港怡醫院，2018年開始參加認證計劃，舊年9月正式獲定名「愛嬰醫院」，成...
詳情
相關新聞
