【Emily】港國際法律培訓學院 25內地法官「畢業」
[2025.01.18] 發表
【明報專訊】政府近年有意將香港打造成國際高端法律人才聚集高地，去年成立香港國際法律人才培訓學院。噚日律政司長林定國喺facebook出帖，恭賀為期兩周嘅研修班圓滿結束，25個內地法官成為培訓學院首批「畢業生」。林強調要將香港與內地法律制度之間嘅「制度之異」轉化為「制度之利」，發揮兩個制度嘅優勢。
睇番資料，呢個研修班1月6日開始，25個學員來自最高人民法院、廣東省高級人民法院、大灣區內地9市嘅法院。研修班講者由香港法官及司法人員、資深法律界人士、香港國際法律人才培訓專家委員會成員組成，林定國都有參與，擔任首課節嘅講者，向學員介紹香港普通法制度。
更多港聞
相關新聞
