【Emily】蝶飛3000公里 福島客訪港 打破大絹斑蝶最長移動距離

港大蝴蝶研究團隊上月喺淺水灣發現從日本福島飛咗逾3000公里路嚟到香港嘅大絹斑蝶，其身上標籤顯示佢於去年8月18日被標記，團隊再貼上標記後將佢放走。（港大提供）

左起為香港斑蝶研究團隊主要成員：港大生物科學學院博士後研究員凌悅丰、博士研究生Emily Jones、教授Timothy Bonebrake，Timothy形容隻大絹斑蝶喺超過100日飛逾3000公里係難以置信嘅壯舉。（港大提供）

港大蝴蝶研究團隊喺淺水灣發現本港罕見嘅大絹斑蝶，圖為佢被捕捉前喺樹葉上歇息。（港大博士後研究員凌悅丰提供）

【明報專訊】香港大學有研究人員發現，一隻大絹斑蝶(Parantica sita)由日本福島縣飛嚟香港，4個月間飛越超過3000公里，打破全球大絹斑蝶已知嘅最長移動距離。

蝶翼標籤印日期 飛咗4個月

港大生物科學學院博士後研究員凌悅丰上月喺淺水灣做蝴蝶研究，發現一隻香港罕見嘅大絹斑蝶，蝴蝶翼上貼咗印有日文和8月18日字樣嘅標籤，顯示佢喺4個月前曾喺日本福島縣被標放。凌悅丰領導嘅「香港斑蝶研究」團隊，其後聯繫到標放呢隻大絹斑蝶嘅日本人員清水正良及瀧澤宏樹，確認佢至少生存咗124日。二人8月中喺福島縣一個滑雪場逗留6日，標放咗481隻大絹斑蝶。

港大團隊籲市民留意幫手解謎

今次呢隻大絹斑蝶飛越超過3000公里，打破2011年另一隻大絹斑蝶歷時82日、飛越2423公里嘅紀錄，並打破全球大絹斑蝶已知嘅最長移動距離，仲係有紀錄以嚟大絹斑蝶第3次由日本飛到香港。至於香港究竟係大絹斑蝶嘅遷徙目的地，還是只係中途站，目前仍係一個謎。團隊希望公眾能夠一齊解開呢個謎團，呼籲大家如果發現有蝴蝶嘅翼上面貼有標籤，可以報告畀團隊知，因為每一則報告都有助學者了解同保育遷徙蝴蝶嘅生態。

更多港聞

【Emily】牛仔迎蛇 港鐵推賀年票

【明報專訊】港鐵今個月12日（周日）起將發售蛇年賀年車票套裝，售價120元，乘客喺大年初一（1月29日）可憑飛全日無限次坐港鐵、輕鐵、港鐵巴... 詳情

【Emily】14號起提供新鈔迎新鈔 頭3日3發鈔行朝八營業

【明報專訊】金管局聯同匯豐、渣打及中銀3間發鈔銀行噚日宣布，3間發鈔行嘅分行今個月14至28號將提供新鈔及「迎新鈔」兌換服務，頭3日仲會提早... 詳情

【Emily】網上版開始免費睇 《選擇》派小量印刷本

【明報專訊】1976年創刊、陪伴香港人近半個世紀嘅《選擇》月刊，噚日起免費開放網上版畀公眾閱覽，等市民可更隨時隨地掌握消費情報。不過，鍾意「... 詳情

【Emily】卸任在即感言 段崇智引《洛奇》語錄

【明報專訊】中文大學校長段崇智（圖）卸任在即，佢分享臨別贈言時表示，中大嘅文化、精神、為學方面都好獨特，「同其他大學完全唔一樣」，希望學生喺... 詳情

【Emily】有人睇咗新聞唔敢搭飛機 團體籲留意「替代性創傷」

【明報專訊】近日世界各地接連發生空難、慘劇，災後心理輔導協會提醒市民，各類悲劇經常出現喺大家視野中，即使無直接發生喺自己身上，都可能造成心理... 詳情