【Emily】校委主席王冬勝現身港大活動 中大升旗儀式唔見兩個校長

噚日正式接替王沛詩做港大校委會主席嘅匯豐銀行主席王冬勝（前排右三），首度以校委會身分出席港大活動。左起：副校長劉澤星、立法會議員梁子穎、副校長宮鵬、署理校長王于漸、王冬勝、立法會議員容海恩、副校長何立仁。（港大提供）

中大噚日喺校內舉行升旗儀式，警務處長蕭澤頤（前左二）、署理校長潘偉賢（前左一）、校董會主席查逸超（前中）及中大師生出席。即將卸任嘅校長段崇智及候任校長盧煜明未現身。（中大提供）

理大噚日舉行「大學展覽館」開幕禮，校方話入口處嘅水泥磚牆呼應理大「紅磚校園」標記，而水泥磚鏤空設計可以隱約見到背後嘅紅磚，象徵理大對香港工業發展嘅堅實貢獻。（理大提供）

【明報專訊】多間大學噚日舉行元旦升旗儀式，正式接替王沛詩做港大校委會主席嘅匯豐銀行主席王冬勝首度以校委會身分出席校內活動，署理校長王于漸、多名副校長，以及港大師生出席儀式。

中大噚日朝早亦舉行升旗禮，警務處長蕭澤頤、中大署理校長潘偉賢、校董及師生等出席；即將卸任嘅中大校長段崇智，以及下周三(8日)起接任校長嘅盧煜明都未有現身。

有5間大學噚日派出學生升旗隊負責儀式，包括中大、理大、浸大、嶺大同教大。其中嶺大提到，由學生組成嘅「國旗護衛隊」，有23個成員上周三起一連5日喺北京交流，亦去咗天安門廣場觀看升旗禮，同埋參訪清華大學同北京師範大學，同兩校國旗護衛隊學生交流經驗。

理大噚日舉行升旗禮外，亦舉辦「大學展覽館」開幕禮。理大校董會主席林大輝同校長滕錦光等人出席。理大介紹，展覽館展示學校逾80載嘅歷史，講述大學點由1930年代嘅香港官立高級工業學院逐步發展為全球排名100位內嘅大學。

更多港聞

【Emily】楊潤雄再上水 羅淑佩留言祝福

【明報專訊】文化體育及旅遊局前局長楊潤雄上月5日被免職，當日早上隨即喺社交平台上載一幅維港相片，寫上「謝謝大家關心！天空海闊，踏上人生另一階... 詳情

【Emily】試用洗街盤 卓永興讚「地磚新嘅一樣」

【明報專訊】副政務司長卓永興上任後嘅任務之一係打擊全港衛生黑點，早前佢就去咗「突擊檢查」，仲去到灣仔港灣道，著上清潔圍裙並戴上清潔手套，試用... 詳情

【Emily】議員新年寄語 行則將至 質比量重

【明報專訊】新一年，好多人會回顧過去，部分立法會議員近日都喺社交平台分享新年感受，又講吓工作。一向有練書法嘅選委界別議員洪雯元旦日都有練字並... 詳情

放眼中國：流行語「班味」

【明報專訊】內地期刊《咬文嚼字》編輯部2024年12月2日公布「2024年十大流行語」，其中「班味」上榜。「班味」意指人們上班工作後變得眼神... 詳情

速讀公民：南海爭議

【明報專訊】■新聞撮要 解放軍南部戰區宣布，2024年4月7日在南海海域組織聯合海空戰巡，聲明稱「一切攪局南海、製造熱點的軍事活動盡在... 詳情