【Emily】社區客廳家庭禮賓府開P 李家超夫婦：好溫暖
[2024.12.26] 發表
【明報專訊】特首李家超噚日喺社交平台facebook發文，分享早前邀請南昌社區客廳嘅家庭，到禮賓府參與聖誕派對。身穿紅色上衣嘅李家超與太太林麗嬋，同一眾家長及小朋友製作聖誕花環，又繪畫同撰寫心意卡，掛喺聖誕樹。佢並邀請科技大學無伴奏合唱團到來為大家頌唱聖誕歌。
李家超又上載片段，片中佢向到訪嘅家長及小朋友講，禮賓府係香港最高嘅府邸，用作接待外國元首及貴賓，講笑話各個到訪嘅家庭都係貴賓。佢又話來自社區客廳嘅小朋友送上聖誕擺設，令佢同太太都感到好溫暖，感謝佢哋喺聖誕樹上添上祝福和願景，鼓勵佢工作，佢會繼續努力喺施政上惠民生、添幸福。
更多港聞
相關新聞
