【Emily】騙徒聲演周小松 呃勞聯理事5萬
[2024.11.29] 發表
【明報專訊】繼多名議員收到疑似合成牀照嘅勒索電郵後，再有議員成為詐騙目標。勞聯兼勞工界議員周小松同Emily講，有勞聯分會理事長周二(26日)接獲自稱係佢本人嘅來電，話「我係周小松」，但唔係以佢電話號碼致電。騙徒翌日WhatsApp發短訊訛稱有急事借錢，要求理事長轉帳近5萬元，仲約佢去立法會天橋，話之後喺辦公室還錢。理事長轉帳後打畀小松求證先知受騙。
約去立會天橋 似熟議會運作
警方回覆話紅磡警署周三下午接到男子報案懷疑受騙，向對方轉帳4.8萬元，案件列作「以欺騙手段取得財產」，由九龍城警區刑事調查隊跟進，暫未有人被捕。據了解，案件懷疑用咗「猜猜我是誰」手法詐騙，暫無迹象顯示同人工智能詐騙相關。
小松認為，疑犯熟悉立法會運作，所以約理事長喺當日立法會大會前見面，令對方信以為真。佢建議市民提高警覺，即使朋友要求轉帳，最好先致電對方求證，免招損失。
警方今年首10個月接獲7192宗電騙，較去年同期2717宗升逾1.6倍；損失額由去年首10個月約8.34億元，升逾1.9倍至今年同期24.41億元。
更多港聞
【Emily】昂坪開三國沉浸館 卓永興：豐富港文化
【明報專訊】號稱全港首個以「三國」為主題嘅沉浸式互動體驗館「中國王朝風雲館之三國風雲」，噚日喺昂坪市集揭幕。展館佔地約2萬平方呎，歷時3年籌... 詳情
【Emily】捉緊頒博士機遇 科大向黃仁勳介紹自家AI平台
【明報專訊】科技大學工商管理學院嘅研究團隊，繼舊年開發咗本港首個專為金融界而設、應用於生成式人工智能（Generative AI）嘅開源大語... 詳情
【Emily】馬時亨女婿主辦 全球青年峰會 盛智文陳智思赴會
【明報專訊】香港喺新冠疫後頻頻搞峰會，同世界恢復Connect。噚日香港全球青年專業倡導行動，就喺香港海事博物館舉辦咗2024全球青年力量峰... 詳情
【Emily】尖東聖誕「提子」屋 過節緊記防騙
【明報專訊】仲有唔夠一個月就聖誕節，為咗提高市民防騙意識，警方噚日起一個月內將會喺尖東舉行多個活動，結合防騙吉祥物「提子」元素，營造「提防騙... 詳情
理大：師生多全開放難荷 城大：校園管制未損排名
【明報專訊】多名大學代表與立法會議員梁美芬昨介紹下周舉行的「大學校長高峰論壇」，藉以推廣香港教育。談到審計報告日前指出理大尚未開放校園，被問... 詳情相關新聞
