【Emily】田北辰扮小丑魚講瀕危 小朋友會錯意
[2024.11.25] 發表
【明報專訊】實政圓桌立法會議員田北辰年過七十似乎童心未泯，仲扮鬼扮馬扮上癮，繼扮聖誕樹、扮鬼扮殭屍，噚日喺元朗搞嘉年華會時以一身橙色小丑魚造型現身，同小朋友玩遊戲，佢話活動主題係講生態保育，要考考小朋友知唔知道有咩動物係瀕危物種。不過，田二少可能扮錯動物，有小朋友以為常見嘅小丑魚係瀕危。田二少並向活動參加者派鎖匙扣，鎖扣造型有獅子、北極熊、鯊魚、海龜、犀牛、海豚同大熊貓，話好多都係瀕危動物，希望大家關注保育。
田二少又話，活動期間，有街坊反映附近嘅狗廁所無放置便便棄置箱。民生無小事，「小丑魚」就話即刻同團隊去實地考察狗廁所。
更多港聞
【Emily】潮州節20萬人次 林鄭月娥被鵝吸引
【明報專訊】第四屆「香港潮州節」噚日閉幕，活動喺香港會議展覽中心舉行，大會話五日嘅展期有逾20萬人次入場，營業額升一成。今年潮州節以「潮韻相... 詳情
相關新聞
