【Emily】潮州節20萬人次 林鄭月娥被鵝吸引
[2024.11.25] 發表
【明報專訊】第四屆「香港潮州節」噚日閉幕，活動喺香港會議展覽中心舉行，大會話五日嘅展期有逾20萬人次入場，營業額升一成。今年潮州節以「潮韻相傳」為主題，設逾150個展銷攤位，當中有潮汕美食、精品工藝、潮劇及文藝表演；並有展示潮人潮事及國家級非物質文化遺產嘅潮人盂蘭勝會、被譽為「中華戰舞」嘅英歌舞，又有被稱為「南國之花」嘅潮劇，同潮州弦樂等。
現場所見，唔少潮州鄉親嚟趁熱鬧，亦有唔少年長潮籍鄉親由子女陪同前來。據現場報料，前特首林鄭月娥上周六都去咗捧場，佢仲被潮州鵝檔位吸引，走咗去試食。有參展商就話，搞大型潮州節活動有助提升知名度及推廣潮汕品牌。
更多港聞
相關新聞
