【Emily】迪士尼跑人數新高 3酒店近滿
[2024.11.04] 發表
【明報專訊】香港迪士尼樂園上周六(2月)起一連兩日喺度假區舉辦大型跑步活動，吸引本地及來自內地、台灣、日本及泰國等逾兩萬名跑手參與，園方話活動整體及海外參賽人數均創新高；而3間酒店入住率亦接近百分百，酒店客中近八成為內地及海外客，相信活動可帶動旅遊業，刺激過夜旅客及港人留港消費。
主禮噚日起跑儀式嘅財爺陳茂波話，本港有豐富旅遊資源，只要不斷「諗橋」及動腦筋，其實本港有好多吸引人嘅地方，一定可以吸引到更多旅客。
樂園舊年有主題園區「魔雪奇緣世界」開幕，今年參賽跑手可首次跑入入面嘅「阿德爾王國」，沿途有唔同迪士尼動畫角色為跑手打氣。園方亦透過傷青會、香港復康聯會同埋心光學校，邀請約80名傷健跑手參賽；並將捐款畀傷青會及香港復康聯會，支持推廣傷健共融社區項目。
賽事設不同長度，包括最長嘅10公里、5公里等項目，大會並新設「迪士尼跑手造型獎」，鼓勵大家穿上迪士尼特色嘅創意裝扮一齊開心。Emily有4名同事都參加10公里賽，仲話一齊打破咗個人最佳成績。
更多港聞
【Emily】大角嘴廟會開鑼 為迎「夜光龍」關燈
【明報專訊】第17屆「大角嘴廟會」噚日開鑼。福全街喺夜晚8點幾破天荒熄街燈，全港最長、色彩繽紛嘅500呎LED夜光龍壓軸登場，一條條色彩斑斕... 詳情
【Emily】搞九東發展研討會 鄧家彪送AR麻將
【明報專訊】政界不時搞研討會或講座集思廣益，工聯會議員鄧家彪（Bill）喺禮拜日（10日）將舉辦「九龍東可持續高質量發展研討會」，而佢就搞搞... 詳情
【Emily】男拔附小捷徑梯動工 校友話年內難竣
【明報專訊】拔萃男書院附屬小學毗鄰旺角東站，但無通道直接聯繫，Emily今年7月講過話校方同港鐵及政府部門商討咗15年，各方終支持由校方建一... 詳情
相關新聞
