【Emily】諾獎經濟學者 中大港深校園講學
[2024.09.18] 發表
【明報專訊】2000年諾貝爾經濟學獎得主James J. Heckman繼今年1月出任中大博文講座教授，7月再出任中大(深圳)傑出大學教授，同樣為期3年。中大話Heckman教授任內會定期到中大兩個校園講學，大學計劃緊明年舉辦公開講座，畀Heckman同公眾分享。
Heckman教授現為芝加哥大學亨利．舒爾茨傑出經濟學教授，佢喺微觀計量經濟學中闡述同分析人口多樣性、異質性嘅研究成果，為建立評估公共政策機制提供堅實基礎。Heckman教授亦好積極倡議幼兒教育同幼兒發展，曾指出幼兒教育嘅公共投資回報率有13%。
博文講座教授及傑出大學教授都係中大特設嘅大學講席，除咗Heckman之外，其餘3個分別係諾貝爾物理學獎首位華人得主楊振寧、「計算機界諾貝爾獎」圖靈獎嘅唯一華人得主姚期智，以及菲爾茲數學獎首位華人得主丘成桐。
更多港聞
相關新聞
