【Emily】歐盟駐港辦新主任 盧效偉係單車友
[2024.09.07] 發表
【明報專訊】歐盟駐港澳辦事處主任定期輪換，新一任主任Harvey Rouse今個月上任，歐盟辦事處喺facebook公布佢嘅中文名叫「盧效偉」。一如過去主任，佢嘅職銜係大使級。盧效偉上任短短一個禮拜，已先後拜會政府禮賓處同部分歐盟成員國駐港總領事。政府噚日都刊憲承認盧效偉嘅崗位。
歐盟方面就話，盧效偉來港前曾經喺3個地方嘅歐盟代表團工作，包括非洲肯尼亞、烏干達，仲有印尼，喺貿易、運輸流動同可持續發展方面有豐厚經驗。佢喺布魯塞爾就先後負責協調同土耳其嘅雙邊貿易關係，並促進歐盟同世界各地嘅運輸聯繫。
唔講唔知，盧效偉原來仲係單車發燒友，周末經常去踩車，而佢飼養嘅金毛尋回犬Max都好快嚟香港，到時可以一家團聚喇！
更多港聞
相關新聞
