【Emily】城巴招三日制車長 緊貼Gen Z需求

【明報專訊】城巴噚日宣布展開「三日制車長」招聘，將採用「返三日放兩日」循環制時間表，強調唔關夠唔夠車長事，而係因為「Z世代」追求工作與生活平衡，希望滿足有關需求，預料招聘反應熱烈，目標係首階段聘100人，以年輕人為主。

月薪可達2.1萬 福利睇齊全職

「三日制車長」需中午至晚間時段輪班，福利同全職車長一樣，包括24周全薪產假、兩周全薪侍產假等。以每個上班日工作約10個鐘計，車長平均月薪可達21,000元，另設6000元「新人迎新獎金」。計劃目前適用�鶼銈q區、機場及東涌巴士路線，申請者須年滿21歲、持1號私家車牌滿一年。

城巴同Emily講，推出計劃前已內部向負責編更�鵀P事了解，佢�]認為編更反而易�驉A因為工作時間表係循環制，可預視車長幾時返工幾時放假。

另邊廂，九巴話因愈來愈多人追求工作與生活平衡，去年初已增設「五天工作制全職車長」，每周返工5日，每日基本工作8小時，自招聘以來，應徵同聘請人數持續上升，反映條件吸引。九巴又話，公司亦有六天工作制全職車長、半職車長、時薪車長等選擇。