【Emily】港鐵高層巡太子站 鐵路迷「野生捕獲」
[2024.07.20] 發表
【明報專訊】噚日有鐵路迷喺鐵路群組上載港鐵行政總裁金澤培等一行人喺太子站月台巡視嘅相片，同行仲有車務營運及本地鐵路總管李婉玲。港鐵向Emily證實張相係真嘅，至於幾位高層去做乜，港鐵就話無補充。有網民估計，港鐵月底會更換油麻地站交叉渡線隧道嘅電纜吊架，觀塘線部分車站要暫停列車服務，所以預早視察兼聽吓當時安排。
睇番港鐵5月公布嘅資料，觀塘線太子、旺角、油麻地同何文田站將會喺7月28日暫停列車服務，乘客由觀塘線轉往荃灣線，只可以喺太子站轉車，所以港鐵預計當日太子站會較繁忙。睇嚟如果金澤培一行人為今次維修工程去太子站，都非常合理。
李婉玲當時提到，因應太子站會比較繁忙，為免乘客到時聚集太子站，所以會「拉疏」觀塘線班次，屯馬線就會加密班次嚟疏導人潮。
更多港聞
【Emily】兩區60區議員 上周上海上堂 交流學習「基層治理」
【明報專訊】深水埗同元朗兩區共60名區議員上星期喺上海接受為期4日嘅培訓，日前返港。民政總署噚日喺facebook總結培訓成果，提到區議員同... 詳情
【Emily】港澳百律師上廣州 嘗培訓「頭啖湯」
【明報專訊】約100個來自香港同澳門嘅律師噚日北上廣州，參加一連兩日嘅「粵港澳大灣區律師法律實務培訓班」。今次培訓班喺廣東省法官學院舉行，由... 詳情
相關新聞
