【Emily】智能分配新𨋢「99.99999％議員不滿」

立法會今年引入「智能分配系統」嘅新𨋢後，議員對新系統風評麻麻，行管會早前為此討論一番。（林勵攝）

【明報專訊】立法會自從今年引入類似甲級商廈用緊嘅「智能分配系統」新𨋢後，議員對新系統風評一直麻麻，覺得實際等嘅時間長咗又唔方便，有資深議員仲話「99.99999%議員」都唔滿意。Emily聽聞立法會行管會近期傾過，由秘書處同供應商嘗試微調系統，暫時唔會推倒重來。有議員話，如果9月時再無改善，唔排除有進一步行動。

秘書處嘗試微調系統

據聞，喺議員怨聲載道下，行管會請秘書處「認真處理」𨋢嘅問題。有資深議員話，「99.99999%議員」都唔滿意系統，例如有兩個人同時分別上6樓和7樓，系統會派兩部𨋢，又或者，中間改變出𨋢樓層，就需要重新落地下。另一名議員話，今年初供應商同相關部門甚至搞一場新𨋢簡介會，但慨嘆都無從用家角度出發，𠵱家如要趕去會議廳投票，寧願行樓梯都唔搭𨋢。有新晉議員認為，轉番大家熟悉嘅舊系統係非不能、實不為也。

另外，因應立法會大樓擴建，部分𨋢要暫停使用，有時造成「塞𨋢」問題，但隨住工程近尾聲，幾部近公眾入口嘅電梯9月重新投入服務，或者可幫輕吓。至於最終新系統有冇得留低，一切要睇暑假後議員對「完善搭𨋢系統」收唔收貨。

更多港聞

【Emily】兩蚊搭車 政府提你8．25起須用樂悠咭

【明報專訊】年滿60歲長者下月25日起必須使用「樂悠咭」以享用兩蚊乘車優惠，不記名長者八達通同一般個人八達通將不再適用。副勞福局長何啟明噚日... 詳情

【Emily】學生扮區議員開會 局長旁聽

【明報專訊】政府各部門不時舉辦活動畀學生參加，近日油尖旺民政處同區議會就合辦「模擬區議會」會議，邀請咗區內九龍三育中學、保良局莊啟程預科書院... 詳情

短暫如泡 定格美好 DSE生畫筆留亡父身影

【明報專訊】肥皂泡由吹出到破滅只不過數秒，如同生命遇見的人和事，短暫卻美好。彭子睿憑畫筆將泡泡最耀目的瞬間定格，留住成長中留不住的回憶。她的... 詳情

中大擬建妊娠糖尿數據冊 研資局撥7270萬資助

【明報專訊】全球每6名孕婦中就有一人患有高血糖症，影響母嬰健康，罹患妊娠糖尿病更會令將來患糖尿病風險高7倍。中大推出新項目，目標建立有200... 詳情