【Emily】76年前機票$2200 太古檔案館珍藏舊香江

太古歷史檔案中心保存咗可搵到最早期嘅國泰航空機票，呢張1948年嘅赴澳洲悉尼機票當年要2200元，由一間公司購買。（鍾林枝攝）

檔案中心收藏1976年2月太古嘅太古城樓盤「鄱陽閣」開售時嘅價目表，當年購買600幾呎單位樓價十幾萬元，其中E座28樓678呎連天台，價單開價181,500元。（鍾林枝攝）

太古歷史檔案部主管施清話，太古集團1948年收購國泰航空45%股權，因此檔案中心保存咗大量國泰航空發展嘅歷史資料，包括國泰第一架飛機「貝西號」嘅舊照片。（鍾林枝攝）

呢件「海國名揚」掛帳係1906年太古集團喺廣州白蜆殼嘅新碼頭開幕時，廣州「刺繡街」狀元坊一間刺繡店所贈。為保護掛帳，平日裝置關閉，掛帳可免受燈光照射，唔會褪色。（鍾林枝攝）

歷史檔案中心入面嘅實物檔案室可調整溫度濕度，全年恆溫，仲有兩小時防火設計，最大程度保護入面嘅收藏。（鍾林枝攝）

檔案中心有太古集團歷史上推出嘅部分貨物收藏，如太古煉糖廠嘅糖類製品，包括純淨糖粉同純淨半方糖等。（鍾林枝攝）

檔案中心藏有1950至60年代太古糖嘅廣告，現時喺大多人眼中可能食多咗會肥嘅糖，喺以前物質匱乏嘅年代，卻係標榜增進體力、維持健康嘅食品。（柯慕容攝）

【明報專訊】香港早期嘅機票要幾錢？1989年半山豪宅嘅售樓書有咩特別？太古歷史檔案中心可以畀到答案。呢間喺鰂魚涌太古煉糖廠舊址嘅檔案館於2021年建成，係香港少數管理公司歷史檔案嘅檔案館。館內有早年嘅國泰機票、太古售樓書等珍貴資料，共計1200件檔案。

飛行手冊要求空姐「令旅程變有趣」

太古邀請Emily參觀檔案中心，中心內有唔少上世紀40年代至90年代嘅實物藏品，最吸引眼球莫過於一張可搵到最早年嘅國泰航空機票。呢張機票係1948年由香港前往悉尼，票上信息全部手寫，價格2200元。太古歷史檔案部總監施清補充話，當年普通工人一個月人工不過60元，就算經理級都只得400元。

施清又話，雖然機票上冇寫飛行時間，但同年代嘅貨運廣告，介紹當年澳洲生蠔直飛香港酒店需32個鐘頭，由此可估計當年需時都唔短。當年對於機組人員要求好高，飛行手冊中就明確要求空姐需「令旅程變得有趣」，仲要每幾個鐘派發一次寫有溫度、飛行高度、現時位置等信息嘅信息紙，供乘客傳閱。

1976年太古城678呎售18萬

施清又展示一本1989年太古地產半山嘅樓盤售樓書，成本書採用立體設計，可逐頁翻閱樓盤不同層次及房間嘅設計，配有白天同夜晚嘅景觀參考。另一1976年太古城價目表就顯示678呎連天台單位售價181,500元，可見香港房價多年來飛升。

施清話，成立檔案館不止為永久保存公司歷史，亦希望幫到學界同公衆人士蒐集資料。現時公衆可以團體形式電郵太古預約參觀。

更多港聞

【Emily】現只供少數公務員使用 葉劉倡開放長沙政府度假別墅吸客

【明報專訊】香港積極發展深度旅遊路線，其中政府建議建設「南大嶼生態康樂走廊」。新民黨主席葉劉淑儀日前到南大嶼，其間去咗「長沙政府度假別墅」參... 詳情

【Emily】的士小巴會「鷹派」卸任？ 新理事長：冇所謂溫和派同激進派

【明報專訊】近年每逢同的士有關嘅議題，不時都會見到香港的士小巴商總會代表周國強出嚟發表意見，唔少言論都令公眾印象深刻。商會今個月換屆，已連任... 詳情

【Emily】民主黨民調：63%撐規管網約車

【明報專訊】政府本周五交代規管網約車研究結果，民主黨上月做民調顯示，48%受訪者不滿意的士服務，另一邊廂58%受訪者滿意網約車服務。另外，6... 詳情

【Emily】服裝設計賽 虛擬模特兒演繹得獎作

【明報專訊】科技日新月異，連行catwalk嘅模特兒都可以係虛擬。香港高等教育科技學院（THEi）同ConnectAR近日合作搞咗個「數碼旗... 詳情

英基17 IB狀元 5留港讀醫 醫生不足冀回饋社會 有海外負笈盼回港發展

【明報專訊】國際文憑大學預科課程（IBDP）上周五（5日）放榜。英基學校協會轄下7間中學合共誕生17名狀元（獲滿分45分），較去年多6人。有... 詳情