【Emily】林定國藉「不幸」經歷講職場調解 執業時曾處理茶水嬸嬸秘書糾紛
[2024.05.08] 發表
【明報專訊】由律政司主辦嘅「2024年調解周」前日至周四(9日)舉行，噚日研討會主題係職場爭議調解。律政司長林定國噚日喺facebook話，私人執業時曾經「不幸」擔任員工委員會主席，每周需要處理所屬大律師事務所員工之間嘅問題，包括茶水嬸嬸或秘書之間嘅紛爭。
職場爭議唔係非黑即白 尋共識最好
佢認為呢啲糾紛大多係人際關係問題，但如果處理不當，可能會成為法律問題；至於僱主與僱員之間嘅賠償索償問題，大部分時候並無非黑即白嘅答案，因此調解係最佳、最方便快捷嘅方法，畀各方尋求共識同和解，最終實現雙贏，強調「調解係態度嘅改變、係文化」。
林定國同日喺研討會開幕致辭話，除咗親身出席活動嘅人，仲有約900人喺線上報名，希望各僱主同僱員喺活動中有得着，希望透過調解周深化社會對調解嘅認識。佢又提及律政司自2009年起推出「調解為先」承諾書運動，至今有超過850間公司、組織或個人簽承諾書，同意先考慮以調解方式解決爭議，律政司會繼續推動活動，營造調解文化。
更多港聞
【Emily】佛誕臨近 嘉道理：放生習俗被扭曲
【明報專訊】下周三（15日）係佛誕，唔少人當日會參與放生儀式，嘉道理農場暨植物園提醒，放生牽涉動物買賣，而商人為咗提供足夠嘅動物供放生，其實... 詳情
【明報專訊】本港部分直資中學或國際學校開辦的國際文憑大學預科課程（IBDP），近日展開考試。國際文憑組織（IBO）日前發聲明指，發現少數學生...
詳情
【明報專訊】教育局長蔡若蓮今日（8日）率領香港高等院校代表團赴北京，為期3天。團員包括教育局常任秘書長李美嫦、8間資助大學及13間可頒授本地...
詳情
相關新聞
