【Emily】發光蛋「漏氣」？ 原來關天氣事
[2024.04.30] 發表
【明報專訊】自上月喺金鐘添馬公園舉行嘅「teamLab：光漣」展覽，放置咗200多件「發光蛋(ovoid)」裝置，近日有網民懷疑部分裝置「爆蛋」，漏晒氣軟攤喺地上。Emily噚日下晝去到添馬公園，最少見到4、5個「漏氣蛋」，無幾耐就見到職員幫發光蛋再充氣，而原來「漏氣蛋」係同天氣有關。
康文署同Emily解釋，由於本港天氣自上周起開始唔穩定，天文台近日預報同署方放喺添馬公園嘅風速計，都監測到展覽場地時有陣風、強風同雷暴，所以將部分設於當風位嘅5米高展品放氣，並圍封相關位置，同埋掛上展品維修中嘅告示。
康文署話，會繼續密切關注情况，若天氣轉趨穩定，就會考慮安排相關展品再充氣。
更多港聞
【明報專訊】鄧鏡波學校時任教師記沒準時交功課的學生缺點，學生姨丈投訴教師行為不當，校方調查後裁定投訴不成立。教育局事後發警告信指教師專業失德...
詳情
相關新聞
