【Emily】貓女出沒 元朗中學尋主人
[2024.04.25] 發表
【明報專訊】基督教香港信義會元朗信義中學日前發現附近有一隻金色短毛貓出沒，校長及副校長搵咗個紙盒裝住貓貓，並帶佢「返學」，喺校長室「暫住」。校方話貓咪係女仔嚟，暫時幫佢改名做「信信」，但相信有可能係附近居民嘅失貓，又或者不幸被棄養。如果搵唔番主人，校方話信信將會成為「校貓」，由學校「肩負起照顧責任」。
校方近日喺Instagram發文，話喺學校附近嘅天耀停車場發現信信，起初以為係另一隻成日流連學校一帶嘅流浪貓阿黃，細睇先發覺唔係，又話好彩喺暴風雨前帶走信信。學校呢幾日都一直留意區內有冇「尋貓啟事」，暫無消息，會先帶信信睇獸醫及檢查，之後再作打算。
信信現由元朗信義中學校長、不同教職員及校內愛護動物學會嘅同學照顧，包辦日常飲食、梳毛、剪甲、洗耳等，有家長亦帶貓糧去學校畀信信。校方又話，信信𠵱家「暫任」學校嘅「學生愛心大使」，好受歡迎，唔少學生一到小息及午膳時間就話想搵信信玩。
更多港聞
【明報專訊】最新一份審計報告審查由政府資助的香港資優教育學苑（下稱學苑）。學苑採學員制，初步甄選須經評分，總分高於4分可獲取錄。審計報告指學...
詳情
VTC下學年開「普通話專班」 涉航空物流等課程 將保留英文班
【明報專訊】香港學生人口正萎縮，影響專上院校招生。職業訓練局（VTC）執行幹事唐智強昨表示，中學文憑試（DSE）考生由約10年前7萬多人，減... 詳情
【明報專訊】位於青衣的仁濟醫院趙曾學韞小學（下稱趙小）下學年不獲教育局資助開辦小一級（即「派0班」）。
仁濟醫院董事局昨回覆本報，指校...
詳情
相關新聞
