【Emily】機場東消防局9月開 場內第四間
[2024.04.20] 發表
【明報專訊】機場第三條跑道2022年落成並啟用，但整個三跑系統未全面投入服務，隨住系統逐步完工，第四間機場消防局(機場東消防局)將喺9月運作。民建聯會計界立法會議員黃俊碩(Edmund)早前去咗機場北消防局參觀，佢話原來每間機場消防局頂層都有搶救指揮室，24小時監察跑道，一旦發生緊急事故，指揮室人員會即時通知機場消防隊出動。
Edmund提到，根據國際民航組織嘅安全標準，香港國際機場嘅滅火救援車輛必須喺飛機事故後兩分鐘內，抵達跑道上任何位置，3分鐘內要抵達其他飛機活動區，例如停機坪等，所以每間機場消防局嘅位置，考量時都要好有策略，而每間消防局都配備兩架快速截擊車、兩架重型泡車、兩架喉泡車、一架高空伸縮泡塔車及一架救護車。
更多港聞
【Emily】廟街夜市延長半年 次輪宣傳再搵尹光
【明報專訊】旅發局去年12月中喺廟街設置夜市攤檔同打卡藝術裝置，噚日宣布項目延長半年，至今年12月，同時推出第二輪宣傳，再次邀請「廟街歌王」... 詳情相關新聞
