【Emily】波叔變板仔 68歲初嘗波板堂
[2023.03.20] 發表
【明報專訊】新一份《財政預算案》話會研究改建官涌市政大廈部分未善用嘅樓層，以提供適合滑板同攀登等城巿運動嘅室內場地，同時研究將附近九龍佐治五世紀念公園籃球場變成「城市運動體育中心」，包含室內及戶外場地。財政司長陳茂波噚日話，改建工程嘅技術可行性研究預計年內完成，並按程序做諮詢。
68歲嘅陳茂波噚日喺網誌分享佢上周去咗觀塘海濱公園滑板場、人生中第一次嘗試踩滑板嘅經驗，佢話喺滑板精英運動員陸俊彥嘅指導，同埋3個「小師兄」嘅鼓勵下「成功挑戰自我」。佢提到每次睇到年輕人喺公園踩滑板，總覺得好神奇，恍如電影中武林高手般飛來飄去、跳躍翻騰，亦令佢覺得自己喺年齡上嘅差距唔可能學滑板，而今次學滑板嘅經驗就令佢難以忘懷。片中其中一名小師兄仲讚波叔，話「以你咁樣嘅年紀喺30分鐘學到，係超級無敵」。
陳茂波話香港正值疫後復蘇黃金期，好多大型體育盛事嘅復辦都令人期待，例如香港國際龍舟邀請賽、香港單車節，以及今個月底舉行嘅香港國際七人欖球賽等。佢認為呢啲國際賽事廣受矚目，每年吸引大量旅客來港，觀賞賽事之餘同時觀光旅遊，為本地旅遊、零售、餐飲業帶嚟收益。
更多港聞
【Emily】1.8萬人迪士尼跑步 輪椅醫生讚共融
【明報專訊】疫後社會逐漸復常，香港迪士尼上周六起一連兩日喺度假區內舉辦大型跑步活動，吸引近1.8萬人參與。部分賽事除咗途經迪欣湖同埋度假區酒... 詳情
【Emily】成功過大海 民主黨伍凱欣：唔意外
【明報專訊】有民主派前區議員先前帶街坊團去澳門時被拒入境，不過近期都有成功過關例子，民主黨中西區前區議員伍凱欣（Bonnie，圖）就喺fac... 詳情
【Emily】「東縱」潘叔百歲壽辰 工聯元老雲集
【明報專訊】工聯會噚日搞大型宴會，慶祝工聯會成立75周年，並為「東縱老戰士」潘江偉賀百歲壽辰。人稱「潘叔」嘅潘江偉輩分極高，呢場百歲生日會大... 詳情
【明報專訊】現代人鄰舍關係一般比較疏離，鄰居貴姓都未必會知，香港青年協會話經歷3年新冠疫情，相信有更多人認同「遠親不如近鄰」嘅重要。青協噚日...
詳情
相關新聞
