【Emily】陳智思自揭曾犯「全男班」錯誤
[2023.02.25] 發表
【明報專訊】特首李家超早前主禮嘅「Hello Hong Kong」(你好，香港)啟動禮，因台上嘉賓「全男班」而引起批評。行會前召集人陳智思(Bernard)撰文話事件好不幸，令香港產生不必要嘅負面關注，認為雖然當局唔係刻意，但明顯敏感度不足。佢承認自己都犯過同類錯誤，主持過全男班嘅保險論壇，收到意見後，即日下晝加入女講者，佢認為大家都可以喺錯誤中學習。
Bernard喺《南華早報》撰文話，相信政府日後舉辦活動會更小心，避免再引起公關錯漏。佢舉例，目前18個常任秘書長中，12個係女士，政府上年統計公務員團隊中，38.8%係女性，認為今次事件唔代表政府嘅情况。
Emily數過，26個主要官員(包括政策局長、特首辦主任、紀律部隊首長等)，有6名女士，比例係兩成三。
更多港聞
【Emily】無創產檢之父 港大盧煜明領皇家獎章
【明報專訊】有「無創產前檢測之父」之稱嘅港大醫學院副院長（研究）兼香港科學院院長盧煜明，上年獲頒英國皇家學會生物學科「皇家獎章」，係首個華人... 詳情
【Emily】舊學生做民記社區主任 郭玲麗黨內活動重逢
【明報專訊】民建聯立法會議員郭玲麗做過小學教師，日前佢喺黨內活動遇到多年前嘅學生，原來對方入埋民建聯工作，個學生就係民記將軍澳支部社區主任施... 詳情相關新聞
