【Emily】無創產檢之父 港大盧煜明領皇家獎章
[2023.02.25] 發表
【明報專訊】有「無創產前檢測之父」之稱嘅港大醫學院副院長(研究)兼香港科學院院長盧煜明，上年獲頒英國皇家學會生物學科「皇家獎章」，係首個華人獲得呢個殊榮，佢前日就親身去咗英國領獎(圖)，話好榮幸可以同眾多科學家獲得同一榮譽，認為係對佢研究工作嘅認可，令佢鼓舞。佢仲藉此多謝同自己並肩同行25年嘅研究團隊添！
今次主辦單位頒發獎章畀盧教授，表揚佢憑DNA診斷技術開創無創產檢、及早診斷唐氏綜合症同多種遺傳病嘅成就，為其他類型嘅液體活檢奠下基石。皇家獎章係英國皇家學會最負盛名嘅獎項之一，創於1825年，每年有兩枚獎章分別頒授畀喺物理同生物學科領域對「自然知識 」嘅進步做出最重要貢獻嘅人。
更多港聞
【Emily】舊學生做民記社區主任 郭玲麗黨內活動重逢
【明報專訊】民建聯立法會議員郭玲麗做過小學教師，日前佢喺黨內活動遇到多年前嘅學生，原來對方入埋民建聯工作，個學生就係民記將軍澳支部社區主任施... 詳情相關新聞
