【Emily】故宮館新展品 睹乾隆朝風采

乾隆帝為慶祝母后崇慶皇太后八旬大壽而創作嘅寫生圖《多祿圖》，取景於避暑山莊，畫中之鹿諧音「祿」，而鹿被視為「不老之獸」，多用作敬祝長者長壽。（香港故宮文化博物館提供）

清代國家多民族、多文化，清代帝后多信奉藏傳佛教、薩滿教和道教，圖中嘅象馱寶瓶，曾安放喺紫禁城內嘅道教場所欽安殿中，寓意為天下太平祈福。（香港故宮文化博物館提供）

圖為大吉葫蘆掛屏，葫蘆有長壽、多子多福嘅吉祥寓意，乾隆十一年（1746年），佢下令製作62件大吉葫蘆，用嚟歡度春節。（香港故宮文化博物館提供）

故宮館會展出紫禁城內「打邊爐」時所用嘅銅製花卉紋火鍋，乾隆五十四年（1789年）一年之中，皇帝就食咗200多餐火鍋！（香港故宮文化博物館提供）

【明報專訊】香港故宮文化博物館舊年7月開始向公眾開放，截至噚日有大約73萬人次入場，今個月正值過年，仲換咗一批新展品，由北京故宮借出嘅第三批共85件文物，其中17件屬國家一級文物，而大部分新展品都係第一次喺香港展出，包括書畫、陶瓷、服飾、工藝品等，唔少係乾隆年間嘅文物，分別於5個展廳展出。

其中28件新展品以「紫禁一日：清代宮廷生活」為主題展出，主要呈現18世紀紫禁城生活嘅日常點滴，展品之一係乾隆帝為慶祝母后崇慶皇太后八旬大壽而繪製嘅寫生圖《多祿圖》，畫中有5隻鹿喺山林嬉戲，而鹿被視為不老之獸，畫作可反映乾隆帝對母親嘅祝福。

今次仲會展出27件故宮博物館嘅歷代陶瓷珍藏，例如一套「青花十二月花卉圖題詩句杯」，仲有慈禧皇太后嘅《孝欽顯皇后朝服像》等，但為咗保護呢批文物，好多展品只會展出至3月。

1．29起連續5周有免費節目

另外，故宮文化博物館一直舉行表演藝術節目，新一年又有新一系列免費入場嘅節目，由1月29日開始，連續5個星期，由香港共融樂團、舞蹈團、中樂團等分別演出，有興趣嘅市民要先到博物館網頁預約。

更多港聞

【Emily】聶德權讚《給十九歲的我》引發共鳴

【明報專訊】張婉婷執導嘅紀錄片《給十九歲的我》，記錄咗英華女學校6個學生嘅成長故事，日前奪得香港電影評論學會最佳電影大獎，喺坊間有不少好評。... 詳情

【Emily】盧建民出獄 想行山睇港產片無意移民

【明報專訊】2016年旺角衝突中暴動罪成被判囚7年嘅盧建民，扣減刑期後噚日喺塘福出獄，社運人士雷玉蓮等親友到場迎接。 蓮姐帶埋碌柚葉同... 詳情

【Emily】談檢測 李家超攞住報紙「多謝傳媒朋友」

【明報專訊】特首李家超噚日去立法會出席答問會，新當選嘅選委會議員尚海龍關注近日社區檢測站大排長龍。李家超明顯有備而來，即場攞份報紙出嚟，仲引... 詳情

【Emily】美公文字體改用Calibri 取代Times New Roman

【明報專訊】新羅馬體（Times New Roman）一向被視為較嚴肅嘅字體，多數用喺論文或正式公文上。美國《華盛頓郵報》報道，國務卿布林肯... 詳情

推薦大學直接錄取 18%校無提名超上屆

【明報專訊】第二屆「學校推薦直接錄取計劃」提名期上月初結束，具才華的中六生經此計劃，有機會於取得中學文憑試（DSE）成績前獲大學破格取錄。教... 詳情