【Emily】聶德權讚《給十九歲的我》引發共鳴
[2023.01.20] 發表
【明報專訊】張婉婷執導嘅紀錄片《給十九歲的我》,記錄咗英華女學校6個學生嘅成長故事,日前奪得香港電影評論學會最佳電影大獎,喺坊間有不少好評。中大逸夫書院前晚搞咗個電影放映會兼導演座談會,公務員事務局前局長聶德權都有出席,佢噚日喺社交平台讚電影嘅內容,無論係關於教育制度、校長老師嘅愛心教導、6個同學嘅經歷同成長、各種錯綜複雜嘅家庭關係,以至社會動盪變遷對佢哋嘅影響等,都能牽動情緒同引發共鳴。
聶德權又話,衷心佩服張婉婷同攝製隊嘅眼光、毅力同堅持,經歷10年,製作出一套具誠意同感染力嘅電影,仲hashtag「#與年青人同行」、「#有誠意作品」。同場仲有中大政治與行政學系高級講師蔡子強、新聞與傳播學院院長朱順慈等。
更多港聞
【Emily】談檢測 李家超攞住報紙「多謝傳媒朋友」
【明報專訊】特首李家超噚日去立法會出席答問會,新當選嘅選委會議員尚海龍關注近日社區檢測站大排長龍。李家超明顯有備而來,即場攞份報紙出嚟,仲引... 詳情
【明報專訊】新羅馬體(Times New Roman)一向被視為較嚴肅嘅字體,多數用喺論文或正式公文上。美國《華盛頓郵報》報道,國務卿布林肯...
詳情
【明報專訊】第二屆「學校推薦直接錄取計劃」提名期上月初結束,具才華的中六生經此計劃,有機會於取得中學文憑試(DSE)成績前獲大學破格取錄。教...
詳情
【明報專訊】教育局爭取跨境生2月1日在不佔每日過關名額下回港上學。有中學表示會安排朋輩輔導員,協助跨境生融入校園,亦有中學稱會延長小息,讓同...
詳情
相關新聞