【Emily】「回歸BB」電競踩車賀國慶
[2022.09.26] 發表
【明報專訊】九龍城民政事務處同九龍城青年協進會搞咗個「回歸BB電競馬拉松迎國慶」嘅見證儀式，搵咗70個1997年出世嘅香港「回歸BB」同廣州嘅後生仔，一齊玩虛擬單車接力馬拉松。虛擬馬拉松喺廣州同香港同步進行，會「途經」大灣區嘅地標，等參加者認識大灣區嘅特色，並享受呢種踩虛擬單車嘅體驗。市民可透過直播見證兩地參加者喺廣州塔一齊踩到終點，得到可持續發展目標(SDG)嘅世界紀錄。
副政務司長卓永興都去咗呢個活動，佢覺得呢個國慶活動融合晒3個社會發展嘅重要環節，包括青年發展、大灣區融合同埋電競；又引述國家主席習近平7月1日嘅講話，話香港嘅未來與青年嘅未來緊密相連，再提及政府推出「共創明『Teen』計劃」，係政府畀弱勢社群嘅後生仔長遠發展機會嘅「誠意之作」。呢項活動對象係「回歸BB」，但都邀請咗「超齡」嘅前港隊奧運代表黃金寶，同健兒一齊踩車參與最後衝線。
更多港聞
【Emily】「海員罷工勝利百周年」 黃國話係香港工運起點
【明報專訊】工聯會同埋香港海員工會噚日舉行「香港海員大罷工勝利100周年紀念大會」，有大約180人出席，工聯會立法會議員黃國介紹相關事件嘅背... 詳情
【明報專訊】社企「要有光」以「短貧戶」為服務對象，為他們提供可負擔住屋以及規劃未來路向。大學生文文因家庭問題離開所住公屋，2019年與母親搬...
詳情
相關新聞
