【Emily】藝術家與學生設計 東鐵藝術列車起行
[2022.08.08] 發表
【明報專訊】港鐵同香港青年藝術協會合作，聯同本地藝術家鄭健業及黃鼎豐，仲有喺東鐵線沿線讀書嘅中小學生，一齊創作「東鐵綫‧Fun紛藝術」列車，以大型藝術作品嘅方式展視東鐵線沿線文化特色。港鐵噚日喺馬場站舉辦啟動儀式，之後列車駛到大埔墟站畀市民參觀，仲吸引咗一班鐵路迷嚟打卡，呢架列車噚日起會喺東鐵沿線投入服務至今年底。
整個藝術作品總面積逾900平方米，超過兩個標準籃球場。黃鼎豐用咗16個車站嘅中文名筆畫同顏色嚟設計列車外貌，非常搶眼。鄭健業就將各站所屬社區嘅特色，結合成唔同海報裝飾車廂內部，例如同旺角東有關嘅海報就有代表金魚街嘅大金魚。
按每區特色裝飾 小五生感榮幸
鄭健業仲指導中小學生一同設計咗車廂內嘅熱氣球圖案。讀港九街坊婦女會孫方中小學五年級嘅陳浠堯對於作品可以印喺車入面覺得「好榮幸好振奮」，賽馬會體藝中學一班中學生就話好有成功感。
更多港聞
【Emily】民建聯30周年活動 設250街站派口罩
【明報專訊】新冠疫情反覆，大家莫掉以輕心。民建聯噚日開始「三十周年獻愛心 百萬口罩齊抗疫」活動，喺全港設置逾250個服務站，向市民派發一套1... 詳情
相關新聞
