【Emily】今年首輪滅鼠檢逾2000隻 增一成
【明報專訊】食環署喺上月24日完成今年首輪嘅小區滅鼠行動,並喺鼠患地點,例如後巷、垃圾收集站、街市、小販和熟食市場及建築地盤嘅周邊地方加強滅鼠,收集咗1060隻死老鼠同捕獲1024隻老鼠,同時填堵547個鼠洞,比上一輪目標小區滅鼠行動收集及捕獲老鼠總數多10.8%。西九新動力立法會議員梁文廣話,唔能夠以小區滅鼠數字評價食環署整體滅鼠成效,認為治本方法應該係減少鼠蹤,應盡量減少鼠患投訴數字。
食環署話,由5月2日起展開8星期嘅目標小區滅鼠行動,並喺中西區、南區、荃灣區、大埔區、黃大仙區及九龍城區試行加入加強版嘅目標小區滅鼠行動,擴大滅鼠範圍。該署呼籲,市民喺日常生活中緊記斷絕老鼠嘅食物來源、清除老鼠嘅藏匿點及堵塞老鼠來往嘅通道;並補充話,喺噚日展開為期10星期嘅第二期全港滅鼠運動。
梁文廣話,即使滅鼠數量多,唔代表香港衛生環境有改善,反而有可能代表本身衛生環境好差。佢建議食環署更加應該着重衛生教育,同埋應反思以前有乜嘢不足,盡量減少鼠患投訴。