【Emily】倡處分最差10%公務員惹狙擊 林素蔚被翻缺席兩月舊帳
[2022.06.04] 發表
【明報專訊】早兩日立法會討論改革公務員制度議案，唔少議員批評公務員喺第五波疫情嘅表現，專業動力立法會議員林素蔚話公務員疫情期間長期在家辦公，又話當局應獎勵表現最好嘅一成公務員，並處分表現最差嘅一成公務員。林素蔚嘅發言惹嚟網民連日狙擊，批評佢唔知公務員做咗咩，包括協助封區等；更有人指摘佢兩個月無出席立法會會議，「會否退回兩個月所有公帑？」
網民：公務員都有協助封區
林素蔚喺3月、4月間一度「失蹤」，無出席立法會會議，社區抗疫工作亦唔見人，只有職員代勞，直至4月底立法會恢復實體會議時才現身facebook，解釋自己屋企出咗事，要返內地處理，但無詳細講咩事。呢兩日有網民喺林素蔚fb留言，話公務員在家工作，但出去協助圍封時都係做嘢，質疑林素蔚返內地兩個月，卻每月出糧，「 過去兩個月疫情最嚴重嗰陣，你除咗出糧個銀行戶口喺香港之外，你個人又去咗邊？」
反問林素蔚有冇向問責官員問責
又有網民留言，反問林素蔚有冇向問責官員問責，仲反建議政府都應為議員設立評核制度同賞罰制度。另有網民留言話當初唔識林素蔚，但因為西貢前區議員方國珊為佢站台，先投票畀佢，「今次真係信錯人！」
更多港聞
【Emily】碧雲端午感懷：真正愛國者被奸人所害
【明報專訊】農曆五月初五端午節喺古代係驅除瘟疫嘅節日，後來亦紀念楚國詩人屈原。噚日係端午節公眾假期，政圈中人都有唔同方法過節。民主黨前議員黃... 詳情
【Emily】網友staycation求婚 酒店「壞人之美」
【明報專訊】𠵱家facebook有好多唔同類型關注組，畀大家分享經驗、感受，Emily噚日喺網上見到網民廣傳「香港 Staycation酒... 詳情
【明報專訊】立法會選委會界別議員近日陸續喺地區開設辦事處，今屆由體育、演藝、文化及出版界轉到選委會界別嘅資深議員馬逢國亦落區設聯絡點，地點係...
詳情
相關新聞
