【Emily】葉太女兒隔離中 母親節後重聚
[2022.05.07] 發表
【明報專訊】聽日係母親節，新民黨主席、立法會議員葉劉淑儀同女兒感情深厚，佢噚日喺facebook發帖，話今年母女未能一同慶祝，因為女兒仍然喺隔離酒店，節日過後先可以重聚。葉太話已叮囑女兒唔使送禮物，只要能夠相見，品嘗到女兒親自下廚煮幾味拿手小菜，佢就心滿意足。
葉太提到，唔少家庭分隔兩地，佢哋嘅子女都渴望能夠喺母親節前趕回香港同家人團聚，佢女兒喺外地工作，好困難咁先訂到機票同隔離酒店返香港，但未能趕及母親節當日相見。葉太又祝願香港人團團圓圓，享受團聚時光，並祝天下母親快樂，闔家度過溫馨快樂嘅母親節。
更多港聞
相關新聞
