【Emily】Twitter追蹤色情內容帳戶 李梓敬：用程式追蹤 未為意
[2022.05.03] 發表
【明報專訊】活躍於社交媒體嘅新民黨立法會議員李梓敬，被網民發現其Twitter帳戶追蹤咗多個發布色情內容嘅帳戶，由內地到外國帳戶都有。李梓敬向Emily解釋，因喺Twitter使用網上程式大規模追蹤其他帳戶，希望接觸更多人，未為意追蹤咗咩人，所以出現今次情况。佢之後喺facebook強調問心無愧，其太太都有留言「支持老公」。
冀興趣相近用戶互相追蹤
Emily噚日下晝發現，李梓敬已經取消追蹤有關帳戶。有打「國際線」嘅佢向Emily話，自己透過網上程式大規模追蹤興趣相近嘅Twitter用戶，例如有追蹤外交部發言人或者內地「大外宣」嘅用戶，希望對方追蹤番自己，因此難以檢查每個用戶發布嘅內容。李梓敬話，自己Twitter追蹤近3萬人，係一個公共空間，冇特別篩選追蹤對象。
方保僑：或現尷尬情况
被問日後會否小心啲，佢話如果日後繼續使用相同方式，「基本上無得搞」，仲話大家平時追蹤其他人之後，都唔能夠控制對方發布咩內容。
Emily向香港資訊科技商會榮譽會長方保僑查詢，方保橋話Instagram、Twitter等社交網站希望用戶互相追蹤，有網上程式協助用家大規模追蹤其他用戶，以增追蹤者人數。佢指出，用家要將帳戶權限交畀有關程式，從資訊安全而言十分危險，有可能泄漏個人資料，加上唔知程式會自動追蹤乜嘢用戶，可能出現尷尬情况。
更多港聞
【明報專訊】人民力量前副主席譚得志（快必）被控發表煽動文字等14罪，早前被裁定11項罪名成立，判囚40個月。快必喺判監前已還押咗589日，喺...
詳情
【明報專訊】立法會選舉委員會界別議員都去開地區議員辦事處，其中江玉歡（Doreen）預告，5月及6月內會一口氣開5間地辦，仲要分佈港島及九龍...
詳情
【Emily】律政司調解周 辦學界賽推調解文化
【明報專訊】由律政司主辦、一連5日嘅2022年調解周噚日展開，頭炮活動係校園調解研討會同中學朋輩調解比賽。律政司長鄭若驊喺比賽總決賽開幕致辭... 詳情
【Emily】逛香港 撐小店 陳沛然食評多人睇
【明報專訊】立法會醫學界前議員陳沛然近月喺facebook寫「陳仔飲食頻道」寫得幾密吓，通常都係就咁影張食物相，但就吸引大批網民喺post下... 詳情相關新聞
