【Emily】「願榮光」團隊叫《時代革命》刪歌 鬧版權糾紛 話唔想再收錢同追究

（網上截圖）

【明報專訊】2019年反修例運動歌曲《願榮光歸香港》嘅創作團隊DGX Music，近日喺Instagram指控紀錄片《時代革命》喺未獲授權下，將《願榮光》用咗喺片尾。DGX話等咗4個月先收到《時代革命》嘅合約，要求「獨家、永久、全球、所有平台」授權使用歌曲。DGX話唔想再收錢同追究，叫對方將版權費捐畀協助手足嘅機構，同希望電影移除《願榮光》首歌，「唔尊重就唔好再用啦」。

原先開價3萬後反口

電影導演周冠威(圖)噚日喺紀錄片嘅facebook專頁澄清，話前年獲另一創作團隊「黑方格」授權使用《願榮光歸香港》嘅MV，直至舊年12月收到DGX團隊詢問，先知MV授權唔包括歌曲音樂嘅著作權，佢隨即致歉，過去幾個月透過電郵同DGX團隊嘅Thomas交流，並附上截圖，顯示對方舊年11月主動提出，喺電影有盈利後收取港幣3萬蚊使用費。直至上個月再收到Thomas嘅電郵，話「鑑於票房反應」，期望爭取一個更合理嘅版權使用費，舉例係盈利嘅3%。周冠威話對方喺自己回覆之前，就指控佢哋團隊侵權，拒絕傾談合約內容，強調無要求過「獨家授權」。

而「黑方格」噚日喺facebook話，《願榮光》管弦樂團同合唱團版MV係佢哋自己重新編曲同錄音，全權並免費授權周冠威使用相關嘅錄音同拍攝素材，但重申並唔代表《願榮光》嘅歌曲作者。

更多港聞

【Emily】葛珮帆煞停引特權法查童樂居

【明報專訊】立法會今日召開大會，恢復處理議員質詢同議案，葛珮帆（EQ）早前提出引用權力及特權法調查童樂居虐兒事件，佢同Emily講，由於現時... 詳情

【Emily】鄭承隆嘆「人未走已茶涼」 劉國勳阿狄感謝林鄭

【明報專訊】特首林鄭月娥前日宣布唔爭取連任，政界唔少人事後都批評林太處事作風，不過亦有人感謝林太，仲喺社交媒體上載同林太嘅合照。監警會前委員... 詳情

【Emily】天文台：四成半清明節無雨紛紛

【明報專訊】好多人讀書嗰陣都讀過《清明》呢首唐詩，入面提到「清明時節雨紛紛」，不過噚日清明節香港不但冇「雨紛紛」，仲好好陽光𠻹。天文台噚日... 詳情

【Emily】聶德權清明前夕浩園致祭

【明報專訊】噚日係清明節，食環署呼籲市民避免正日去拜山，公務員事務局長聶德權就選擇喺清明節前夕（前日），代表特區政府到和合石「浩園」悼念因公... 詳情

【Emily】自由黨議員「殺菌隊」出征

【明報專訊】疫情期間，唔少建制派議員同社團都各出其謀參與抗疫，代表商界嘅自由黨都不甘後人，噚日去到中環環球大廈同交易廣場天橋，向扶手同渠口位... 詳情