【Emily】冼國林最後一份政綱 講推廣影視業
[2022.03.19] 發表
【明報專訊】早前宣布參選特首嘅冼國林，噚日接受網台訪問，話下星期一(21日)將推出最後一份政綱，主要提及點樣推廣影視業，包括要求內地放寬香港影片進入大灣區，唔再要經CEPA或以合拍片形式北上，內地官員可先喺大灣區審批劇本，拍攝完喺區內上映。
佢話如果當選，將增加對電影業資助至100億元，強調係投資，做法同韓國支持影視業相似，「係可以賺番嚟嘅」。特首選舉提名期下月初開始，問到會否擔心再延期，冼國林笑言：「估唔到林太(特首林鄭月娥)有咩諗法。」佢仲話疫情影響競選安排，但佢都好努力約選委喺網上見面。
更多港聞
相關新聞
