【Emily】中國會「疫」市推$128外賣套餐 主菜10選1有燒鵝 包甜品飲品
[2022.01.17] 發表
【明報專訊】食肆生意因為政府嘅防疫措施大受影響，近日晚市堂食禁埋，業界叫苦連天。除咗外賣「兩餸飯」大熱，有原本行中高檔路線嘅食肆都推出具性價比嘅外賣套餐應市，例如位於舊中國銀行大廈嘅「中國會(China Club)」，本身係私人會所，只限會員使用，近日都推出外帶餐盒，有主菜、蔬菜、粉麵飯，仲連埋飲品同甜品，賣128蚊。
Emily睇過中國會今個星期一至六嘅外賣套餐有咩選擇，主菜可10選1，包括「掛爐燒鵝」、「黑椒京葱炒西班牙豬肋條」等選擇；甜品方面，可以揀擂沙湯丸、麻蓉煎堆仔、欖仁馬拉糕或蜜糖蜂巢糕。
Emily打過去中國會查詢，職員話疫情開始時都有推出外賣套餐，當時賣118蚊，之後疫情好轉就停咗。職員又話，外賣套餐全日供應至晚上8點，仲話畀Emily聽，非會員都可以買外賣㗎，只要留低電話就得。
中國會係由已故社交界名人及商人鄧永鏘於1991年創辦及經營，會所推行會員制度，服務對象主要係銀行家、企業家，以及喺中環工作嘅專業人士等。
更多港聞
【Emily】會計界黃俊碩 議會醫療輔助隊兩兼顧
【明報專訊】民建聯會計界立法會議員黃俊碩原來係醫療輔助隊成員，前日佢去咗馬料水嘅單車徑當值。黃俊碩同Emily講，佢16歲就加入醫療輔助隊，... 詳情
【Emily】林鄭賀家朗奪冠 順便宣傳改組建議
【明報專訊】港產「劍神」張家朗上年喺東京奧運奪金，噚日凌晨再喺世界盃巴黎站奪冠（詳刊A13），特首林鄭月娥噚日喺facebook出帖祝賀家朗... 詳情
【Emily】南區前區議員經營 「萬事多」生意差關實體店
【明報專訊】大批民主派區議員去年因宣誓消息請辭，唔少人謀求轉型，好似南區前區議員黃銳熺（Angus）上年8月開設雜貨店「萬事多」，經營未夠半... 詳情
初創App教孩童做小君子 彌補雙職父母無暇教導 日常情境設題培養品格
【明報專訊】學校致力培養才德兼備的學生，教育局近年亦着重品德教育，有初創公司開發應用程式（App）助幼童養成好品格。程式「小君子」含800個... 詳情相關新聞
