【Emily】會計界黃俊碩 議會醫療輔助隊兩兼顧
[2022.01.17] 發表
【明報專訊】民建聯會計界立法會議員黃俊碩原來係醫療輔助隊成員，前日佢去咗馬料水嘅單車徑當值。黃俊碩同Emily講，佢16歲就加入醫療輔助隊，至今約20年，一直對義務急救工作深感興趣，並喺隊中擔任急救導師，除咗協助內部訓練，有時亦會向外界講解急救知識。佢強調，雖然議會工作忙碌，但醫療輔助隊係另類接觸同服務市民嘅途徑，所以兩邊都會兼顧。
當選立法會議員後，黃俊碩話會以議會工作為重，未必可以好似以前咁投放大量時間參與醫療輔助隊服務，過去每年平均當值100小時，現計劃減少至40小時，每兩三個月先有時間當值一次。
黃俊碩喺facebook話，醫療輔助隊嘅工作可能一整日都唔需要處理個案，可能只係普通「擦傷仆親」，更可能無人察覺佢哋存在，但佢哋當值無疑對市民多一份安心同保障，喺危急時更加係傷病者同家屬嘅盼望。佢話從來唔希望有驚心動魄嘅拯救場面，恆常訓練係為咗危急時可以用熟練嘅技術拯救傷病者，提高佢哋嘅存活率。
更多港聞
【Emily】林鄭賀家朗奪冠 順便宣傳改組建議
【明報專訊】港產「劍神」張家朗上年喺東京奧運奪金，噚日凌晨再喺世界盃巴黎站奪冠（詳刊A13），特首林鄭月娥噚日喺facebook出帖祝賀家朗... 詳情
【Emily】南區前區議員經營 「萬事多」生意差關實體店
【明報專訊】大批民主派區議員去年因宣誓消息請辭，唔少人謀求轉型，好似南區前區議員黃銳熺（Angus）上年8月開設雜貨店「萬事多」，經營未夠半... 詳情
初創App教孩童做小君子 彌補雙職父母無暇教導 日常情境設題培養品格
【明報專訊】學校致力培養才德兼備的學生，教育局近年亦着重品德教育，有初創公司開發應用程式（App）助幼童養成好品格。程式「小君子」含800個... 詳情
【明報專訊】研資局成立的「研究影響基金」早前公布2021/22年度撥款結果，12個項目共7500萬獲批。港大昨發稿表示，5個項目由港大統籌，...
詳情
相關新聞
