【Emily】顏汶羽做爸爸 太太誕3.79公斤顏仔
[2021.08.10] 發表
【明報專訊】民建聯區議員顏汶羽近日有喜事，前晚啱啱做咗老竇，太太開刀誕下3.79公斤嘅顏仔，顏仔一出世已頭髮濃密，好精靈。汶羽同Emily講，已經買好晒尿片等物品，噚日就喺屋企砌埋BB牀，準備迎接顏仔返嚟。
非民建聯職員 無侍產假
汶羽係新手爸爸，話當然有啲緊張，但亦好開心，要感謝太太，因為BB都有番咁上下重量，太太陀BB都辛苦。汶羽話仔仔未改名，要再諗諗先。至於佢哋會唔會想追多個，砌夠一個「好」字，汶羽就話順其自然。汶羽話區議員係無侍產假，民建聯職員就有，但佢又唔係職員，所以無份。
民建聯近期都幾旺，除咗汶羽，黨友葉傲冬6月亦再做爸爸，家庭增添一個女女。
更多港聞
相關新聞
