【Emily】屯門防火會民主派無份 建制區選敗將獲委
[2021.05.04] 發表
【明報專訊】人大修改香港選舉制度後，地區分區委員會、滅罪會、防火會組成備受關注，因為可成為選委會選民。民政局噚日公布埋最後一區，即屯門新一任防火委員會名單，未見民主派嘅人。民主黨何杏梅、民協甄紹南上屆都係委員，今次被剔走，反而區選輸畀何杏梅嘅新民黨鄺珉樀獲委做委員。何杏梅接受Emily查詢時話，預咗冇得續任，形容現時嘅組成「完全冇反對意見」，基於防火委可以選選委，冇民主派係意料中事。
新任屯門防火會主席、新民黨甘文鋒就話，當局批評現時區議會失衡，若一邊話區會有問題，一邊委任泛民區議員，比較奇怪；又話現時委員會組成唔止得建制政黨，亦有好多地區人物，「反對派唔好認為，唔委任佢哋就係清一色」。
甘文鋒認為，獲委任防火會主席係對佢多年地區工作嘅認可。被問有冇興趣參選選委，佢話要先上任開會，等立法會通過條例、重新做選民登記再睇吓邊個有意思。
屯門防火會組成有5人係前年區選落敗者，除鄺珉樀外，仲包括甘文鋒，民建聯陳文華、葉俊遠，工聯會陳文偉。
更多港聞
【明報專訊】民主派立選初選大搜捕後，有8人沒被起訴串謀顛覆國家政權罪，包括民主黨涂謹申、鄺俊宇，民主動力前司庫關尚義，衛生服務界前議員李國麟...
詳情
龍官教師釘牌 學生：教學持平 教局：投訴者包括學生
【明報專訊】教育局上周再公布取消教師註冊（DQ）個案，據悉包括龍翔官立中學一名通識科教師，局方批評該教師教材偏頗，「側重貶損國家」。本報昨日... 詳情
【明報專訊】港大學生會正值補選階段，校方日前發聲明與學生會「割席」。學生會候選內閣「薪燧」早前稱繼續參選，昨日發表政綱指出，若有幸當選，承諾...
詳情
相關新聞
