【Emily】反駁私相授受質疑 區議員伍月蘭批民處塞責
[2021.03.04] 發表
【明報專訊】《文匯報》噚日報道，深水埗民政事務專員謝嘉敏前日去信深水埗區議會主席楊彧，指副主席伍月蘭上年處理助理伍寶芳申請區議會活動撥款時未有申報利益。由建制派組成嘅「議會監察」喺facebook建議有關部門公開譴責違規行為，並交執法部門跟進。伍月蘭同Emily強調自己唔係撥款小組嘅成員，無投票，反問「關咩我事」；又批評民政處塞責，因為一直都冇通知議員要申報埋自己助手。
《文匯報》引述專員嘅信，話伍寶芳係區議會撥款申請團體「輕鬆舞軒」嘅指定負責人，區議會撥款準則列明區議員須就實際、潛在或表面上嘅利益衝突作申報，舉例區議員喺有關批准活動建議同遴選報價嘅事上，與提出申請撥款資助嘅人或機構有關連 。
伍月蘭回覆Emily話，佢已覆信話伍寶芳係其兼職職員，公餘時間為社區服務係對方權利，伍寶芳亦冇喺活動過程中得過利益。伍月蘭話，佢上屆已問民政處點申報利益、點樣界定有利益衝突，而佢唔係撥款小組成員，甚至喺列席發表意見時係話要減「輕鬆舞軒」嘅部分撥款，民政處亦冇叫佢要申報埋助手，「要屈就屈，不過唔使嘥心機，我退休㗎喇」。
更多港聞
【Emily】警隊出《認清事實》特刊 話新屋嶺指控「離譜」
【明報專訊】警隊刊物《警聲》出咗本特刊《認清事實 謠言謊話真不了》，內有10版，序言提到警隊喺反修例事件後被鋪天蓋地嘅失實資訊抹黑，又喺傳媒... 詳情
筲官中六全級檢疫 難忘同學視像團年 DSE考生嘆失與同學奮鬥時光
【明報專訊】中學文憑試（DSE）下月底開考，今屆考生自去年初遇上疫情，只可斷斷續續回校上課，其中筲箕灣官立中學全級中六生更於農曆新年假前被隔... 詳情
相關新聞
