【Emily】岑子杰為猜忌民主黨道歉 起訴前感言 與黃碧雲擁抱
[2021.03.01] 發表
【明報專訊】53名民主派噚日就國安法案件到警署報到，其後大部分人被落案起訴，唔少人步入警署前都有分享感言，社民連岑子杰(Jimmy)、民主黨黃碧雲噚日去油麻地警署報到前一齊見傳媒，Jimmy特地向碧雲致歉，自言過往曾經猜忌民主黨，兩人仲搭膊頭、擁抱泯恩仇，場面感人。
1月被捕 曾話「拉黃碧雲先荒謬」
Jimmy喺1月初因國安法被捕、獲准保釋後，曾經話拉佢唔荒謬，「拉黃碧雲先荒謬」。Jimmy噚日報到前話，過往社民連曾經成日狙擊民主黨，認為民主黨永遠企喺最安全嘅地方，「但今日望吓，無論幾溫和，我哋冇人喺制度暴力下，可以獨善其身……無論點企，都唔會企到喺安全嘅地方」。
Jimmy又話，「民主黨係第一個我需要講對唔住嘅」，佢話有太多猜忌，相信民主黨好多人都覺得委屈，點解做咗咁多嘢仲要畀人咁睇自己，「呢場運動下，我係其中一個曾經猜忌民主黨嘅人，希望你哋能夠原諒我」。
黃碧雲：從來冇嬲社民連或Jimmy
黃碧雲就話，從來冇嬲社民連或怪責Jimmy，佢話民主運動道路漫長，彼此共同目標係走向民主，但手法、策略有分歧，希望經歷咁多之後，大家能夠互換位置思考，「互相理解、明白，重新令民主運動磨合，繼續向前」；又自言曾經都猜疑激進派、令人唔開心，尤其選舉論壇定會「砌過」，但最緊要係堅定向民主目標進發。
更多港聞
【Emily】葉太護劉利群 民主黨罕有分享帖文
【明報專訊】民主黨竟然分享新民黨主席葉劉淑儀嘅facebook帖文，仲同原任食環署長、剛晉升食衛局常秘嘅劉利群有關。話說葉太前晚出post呼... 詳情
【Emily】公務員要宣誓 工聯成員：心願實現
【明報專訊】政府要求所有公務員宣誓或簽聲明擁護《基本法》、效忠香港特區，近日有報道話部分政府部門有公務員拒絕簽署同劈炮，政府至今未公布有無出... 詳情
【明報專訊】民建聯中西區支部噚日拍片，扮風水師傅揶揄民主派，當中油尖旺區議員陳梓維成為箭靶。
講區內酒吧違限聚
講到「議員走佬去...
詳情
相關新聞
