【Emily】蔡少綿檢疫 嘆好耐無同真人傾偈
[2020.12.14] 發表
【明報專訊】港鐵公司事務部總監蔡少綿(Linda)噚日喺facebook發帖話身處竹篙灣檢疫中心，因有同事上周三確診，隔日佢收到衛生署通知被界定為「緊密接觸者」，同日被接載到檢疫中心。Linda同Emily講，以最後接觸該名確診同事起14日計算，預料今個星期初會完成檢疫。
有同事確診 被列緊密接觸者
Linda嘅帖文話，同事12月2日確診後，佢翌日接受檢測，結果呈陰性，以為可以安心之際，4號就收到衛生署通知，當晚10點幾由專車接載到竹篙灣檢疫中心。
Linda又話，當大家在家工作嘅時候，佢已經轉移咗去檢疫中心工作(work from camp)，雖然生活大致如「常」，每日繼續開網上會議、覆電郵、講電話，放工之後睇戲、睇書，仲可以聽音樂會，但連續多日幾乎無同任何真人接觸交談，缺乏咗人與人之間嘅相處同互動，覺得有啲缺失。佢話第四波疫情感覺好埋身，大家一定要繼續緊守防疫戰線，以免隔離防線崩潰。
「大家WFH 我就WFC」
翻查資料，港鐵九龍灣總部大樓近日至少有3宗新冠病毒確診，分別嚟自公司事務部、物業管理部同財務控制部員工。
更多港聞
【明報專訊】新民主同盟噚日召開周年大會，選出第6屆執行委員會。西貢區議員范國威（Gary）、大埔區議員任啟邦同西貢區議員呂文光擔任輪任召集人...
詳情
疫下倘禁會見 九華聖若瑟轉網上 皇仁調高學業佔分 升中面試變數大 校長籲練網見拍片
【明報專訊】明年9月讀中一的小六家長目前正選校。學校一般設面試遴選學生，惟疫情持續，安排添變數。傳統名校皇仁書院校網列明，倘因疫情未能如期舉... 詳情
相關新聞
