【Emily】林煥光談青年溝通：千祈唔好先講政治
[2020.12.03] 發表
【明報專訊】青年課題講咗多年，喺社會對立下，行政會議前召集人林煥光(圖)近日出席恒生大學傳播學院嘅訪談節目《恒傳感言》，大談同青年溝通之道。林煥光話，佢同年輕人溝通時，會問對方現時最紅嘅歌星係邊個，最流行嘅歌係咩等，形容要先搵話題開始，「千祈唔好講政治，唔係一句已玩完」。
林煥光喺訪問中憶述，當年佢入政府第一份工，係喺荃灣理民府工作，當時荃灣要發展新市鎮，佢第一個任務就係要清拆寮屋，佢話當年第一次落去開會就畀人鬧「死飛仔」(當時佢長頭髮)，後來同對方開咗無數次會，有次夜晚經過，對方邀請佢一齊食飯，「感動到不得了」。佢話溝通最重要係搵到共通點、搵到矛盾，再去解決，問題未必全部可以解決到，「但至少唔會爆到開晒花」。佢寄語負責處理矛盾嘅人，千祈唔好立場先行，如果大家認為你歸邊，就好難解決問題。
唔少人認為青年買唔到樓係民怨之一，講到樓市，林煥光就話睇過去樓市都會有上落，只要心入面有概念，「跌到阿媽都唔認得時你夠膽買就得」；又話即使樓價唔跌，大家嘅收入都會增加，最重要係要加油同增值自己，喺工作上唔好怕蝕底。
更多港聞
【Emily】孖田北俊食漢堡 田二少：阿哥，我不想努力了
【明報專訊】疫情再趨嚴峻，政府亦將限聚令收緊至兩人，實政圓桌田北辰噚日就喺facebook上載相片，原來佢同阿哥、自由黨榮譽主席田北俊噚日去... 詳情
【Emily】港大IG濾鏡 畢業生「置身」校園
【明報專訊】畢業禮係人生重要一頁，可惜今年有疫情，親朋好友無得一齊見證畢業生拋四方帽一刻。港大今日舉行網上畢業禮，會上將播放校友及各界道賀短... 詳情
中大研究：高中生升學 最聽媽媽話 四成人受父母影響 拋離生涯規劃教師
【明報專訊】學校近年積極推動生涯規劃教育，助學生了解興趣及升學路向。不過，中文大學教育學院昨日發布最新調查，發現近三成受訪高中生認為母親是最... 詳情
【明報專訊】明年9月讀中一的自行收生程序展開。正值停課，教育局呼籲小學將「中一自行分配學位申請表」郵寄予家長。家長需明年1月4日至18日將表...
詳情
相關新聞
