【Emily】新入職公僕宣誓 警隊最多
[2020.12.03] 發表
【明報專訊】公務員事務局早前向政府部門發通告，要求今年7月1日後受聘嘅公務員，必須宣誓或簽聲明擁護《基本法》、效忠特區，公務員事務局長聶德權噚日回應工聯會郭偉强立法會書面質詢時話，今年7月1日至10月31日約有2980人、分別來自140個職系已作聲明，其間未有公務員因為不作聲明而被終止聘任。睇番局方提供嘅數字，宣誓公務員當中以警務處最多，有302人(見表)，其次係消防處，有246人；最少就係特首辦同創科局，分別有1人。
至於今年7月1日前加入政府嘅公務員宣誓或聲明安排，聶德權就話，局方已按既定機制諮詢，收集意見並研究，決定全體公務員一次過進行，敲定及落實有關安排嘅準備工作已經接近尾聲。
聶德權：落實一次過宣誓近尾聲
聶德權重申，如果現任公務員唔簽聲明或宣誓，會令人質疑係咪具備作為公務員嘅基本責任感同承擔，有關人員升遷必然受影響，亦會對該人員係咪適合繼續執行公務有懷疑，𠵱家諮詢緊法律意見，釐清及確定有關嘅跟進行動。佢又話，當局短期內會跟既定機制，同主要公務員團體溝通，盡早公布。
更多港聞
【Emily】港大IG濾鏡 畢業生「置身」校園
【明報專訊】畢業禮係人生重要一頁，可惜今年有疫情，親朋好友無得一齊見證畢業生拋四方帽一刻。港大今日舉行網上畢業禮，會上將播放校友及各界道賀短... 詳情
中大研究：高中生升學 最聽媽媽話 四成人受父母影響 拋離生涯規劃教師
【明報專訊】學校近年積極推動生涯規劃教育，助學生了解興趣及升學路向。不過，中文大學教育學院昨日發布最新調查，發現近三成受訪高中生認為母親是最... 詳情
【明報專訊】明年9月讀中一的自行收生程序展開。正值停課，教育局呼籲小學將「中一自行分配學位申請表」郵寄予家長。家長需明年1月4日至18日將表...
詳情
相關新聞
