【Emily】被制裁榮幸 林太無晒戶口現金出糧
[2020.11.28] 發表
【明報專訊】特首林鄭月娥發表《施政報告》接受唔同傳媒訪問，佢接受英文財經電視台HKIBC訪問時，被問到畀美國政府制裁後有無唔方便，佢話自己無晒銀行戶口，政府用現金出糧畀佢，「坐在你面前的香港特區行政長官，是沒有銀行提供到服務給她，我是每天使用現金的，買所有東西，我有大量現金在家，因為政府支薪給我是用現金，我沒有銀行戶口的」。林太話因為維護國家安全而受制裁，係佢榮幸。睇番資料，特首2020/21年度薪金係521萬元，除開月薪就係43萬。
與徐英偉齊鬧區議員侮辱公務員
林太又接受有線新聞訪問，批評新一屆區議會「吵吵鬧鬧」，又唔滿意區議員侮辱佢嘅同事，特別係警務人員，認為區議會偏離咗《基本法》對地區組織嘅功能。佢又話《港區國安法》第6條提到就任公職要宣誓擁護基本法，效忠特區，政府正研究邊啲人要受約制，話如果基本政治問題都處理唔好，談普選便「好難穩妥」，會「出事」。
民政局長徐英偉噚日出席施政報告記者會，都向區議員開火：「(新一屆區議會)過去開咗唔少會，但進度、撥款比2019年相差好大。」佢引述今年頭10個月數字，話區議會批咗2000幾個撥款項目，比2019年少咗2800幾個，又批評區議員，「經常唔禮貌對待我哋嘅公務員，唔係好理想」。
更多港聞
【Emily】運署話危險 唔批「BE WATER」車牌
【明報專訊】嚿年反修例運動期間，李小龍名句「Be Water」成為咗抗爭者其中一句口號。市民李先生嚿年9月向運輸署申請自訂車牌「BE WAT... 詳情
【Emily】娥姐問認唔認得佢 星爺：化灰都認得
【明報專訊】影星周星馳噚日繼續就前女友于文鳳追逾7000萬佣金案到高院作供，粉絲齊齊「追星」，當中包括「千禧後」影迷，同埋曾參加立法會選舉嘅... 詳情
【明報專訊】政制及內地事務局長曾國衞周三聽特首發表施政報告時，畀傳媒影到佢難敵睡魔，噚日喺記者會主動解畫，話當日因為扁桃腺炎食咗抗生素、消炎...
詳情
【Emily】Na Can最後一天 鄧經理做大組長 帶校友Dem beat
【明報專訊】中大新亞書院學生餐廳噚日最後一日營業，校友會原本諗住搞歡送晚會，但因為疫情取消，改為校友會同餐廳鄧經理、老員工一齊fb Live... 詳情相關新聞
