【Emily】國產新輕鐵 明610線751線啟用
[2020.11.16] 發表
【明報專訊】輕鐵係「屯元天」居民出行嘅主要公共交通工具之一，唔少輕鐵列車都陪伴區內居民成長，嚟緊即將有新輕鐵列車投入服務。港鐵噚日宣布，最新一代「第五期」輕鐵會喺聽日(17日)開始陸續行駛，其中首兩部新輕鐵已通過營運同安全測試，並得到機電工程署批准，將會以拖卡形式投入服務，初期行駛來往元朗至屯門碼頭嘅610線，同埋來往天逸至友愛嘅751線。
另一部新輕鐵亦進入測試階段，港鐵特別喺呢部新輕鐵嘅車頂安裝太陽能發電板，希望利用可再生能源為車廂照明系統提供動力，為輕鐵服務注入環保元素。
調整扶手吊環分佈 座位增加
根據港鐵資料，港鐵喺2016年斥資7.45億元，向中國嘅「中車南京浦鎮車輛有限公司」購入40部新輕鐵，30部係用作更換現有「第二期」輕鐵，其餘10部則用作擴充車隊。其中「第五期」輕鐵嘅車身以綠色、紫色及白色配搭為主，用上流線形線條設計；車廂採用經改良嘅LED照明系統，增加空間感，仲調整咗扶手同吊環嘅分佈，座位亦較「第二期」輕鐵增加。
港鐵話，手機應用程式MTR Mobile嘅「Next Train」功能已覆蓋輕鐵網絡，乘客可查詢各輕鐵車站月台最多5條輕鐵路線嘅實時預計到站時間資訊。
更多港聞
【Emily】「不論黃藍」 CY話幫年輕人北上搵工
【明報專訊】社會對年輕人有唔同評價，有人話要放棄年輕人，曾批評年輕人上街抗爭嘅全國政協副主席、前特首梁振英（CY）就話，唔應該放棄年輕人，仲... 詳情
【Emily】媽媽返前線 阿B要訓練 警犬母子各有各忙
【明報專訊】警方近期喺社交媒體介紹內部嘅故事，包括警犬成長印記。佢哋早幾個月話，瑪蓮萊警犬Kira有咗BB，然後一直記錄，警犬BB 7月時出... 詳情
中小學校訓逾半揚儒 教大學者：基督宗教背景亦用 華人易接受
【明報專訊】一校之訓除蘊含學校對學生的勉勵、期許，不少亦反映校史、中西文化等元素。教育大學中國語言學系主任施仲謀分析本港近1100間中小學的... 詳情
相關新聞
