【Emily】羅冠聰見彭定康 國際局勢講到人類學

香港眾志前主席羅冠聰（右）喺facebook上載同末代港督彭定康（左）嘅合照，兩人由香港、英國、以至國際局勢，一路講到人類學。（羅冠聰facebook）

【明報專訊】香港眾志前主席羅冠聰喺港區國安法生效前離開香港，日前透露身在倫敦，佢噚日喺facebook上載同末代港督彭定康嘅合照，話經常告誡自己，世界之大、學識之闊，喺改變世界嘅路上仲有好多嘢學習。佢話：「也許我能代很多香港人講一句：感謝你，最後一任港督。相比現時的官員，很多人懷念你的學識、胸襟、遠見。我們都在各自的崗位上，為香港、民主努力」。

「好多人懷念彭嘅學識胸襟」

阿聰同Emily講，兩人主要傾到佢去英國嘅原因，討論香港、英國、以至國際局勢，仲有大家嘅未來發展，甚至係學術議題。阿聰話自己選修好多人類學嘅學科，彭定康同佢講人類學係如何了解文化、人類，同政治工作好似，人類學亦好講求觀察等，等於做政治工作點樣同人打交道，係好有用，佢話聽完之後覺得好有道理。

彭定康話人類學同政治工作好似

阿聰喺英國繼續做好多國際連線工作同接受訪問，如BBC嘅「Hardtalk」。佢早前又同有份「DQ」建制派議員何君堯博士學位嘅英國保守黨人權委員會委員Luke de Pulford交流，感謝佢一直喺英國聲援香港民主運動。

更多港聞

【Emily】再論「收成期」 波哥：冇份建設我嘅成果憑咩破壞

【明報專訊】財委會主席陳健波（波哥）上年曾經話自己好努力先有較安穩生活，現時係「收成期」，不滿示威者破壞佢嘅生活，言論引嚟爭議。波哥噚日召開... 詳情

【Emily】再兩助秘調任DO 兼做選舉主任

【明報專訊】政府噚日公布多個人員調動，保安局助理秘書長楊蕙心同政制及內地事務局助理秘書長黃智華，分別做離島同黃大仙民政事務專員，喺今日立法會... 詳情