【Emily】謝偉銓邵家臻 齊做獨眼龍

立法會議員謝偉銓噚日喺地鐵站跌倒，左眼角腫起，佢照樣出席立法會會議，但後來愈嚟愈腫，穩陣起見去咗醫院檢查。（曾憲宗攝）

【明報專訊】Emily噚日喺立法會撞到建築、測量、規劃及園境界立法會議員謝偉銓(Tony)，驚訝佢左眼包上紗布，原來Tony噚日中午喺中環站搭地鐵趕返立法會開會，落樓梯時跌親撞傷左眼角，經救護員包紮後唔使送院，但返咗立法會之後眼角愈嚟愈腫，眼都擘唔大，最後去咗醫院檢查。Emily聽聞，建制派「班長」廖長江親自陪Tony去私家醫院。

Tony及後向傳媒發相報平安，話初步檢查顯示無大礙，只係眼痛同腫，唔使留院。據了解，佢都係食止痛藥同搽消瘀藥膏就得，今日亦打算繼續返立法會開會。

阿臻：醫生話開立會一隻眼就夠

社福界議員邵家臻因糖尿上眼，噚日亦去咗眼科醫院接受激光治療，佢話同醫生講要趕返立法會就強積金發言，醫生話開會用一隻眼就夠，佢唔知醫生係咪諷刺立法會啲人成日「隻眼開隻眼閉」，定係話大家黑白分明、一隻眼就睇得清楚。阿臻同Emily講，𠵱家睇嘢有疊影，佢好鍾意睇書，但現時睇一陣就攰，最怕未來視力衰退到睇唔到書。

更多港聞

【Emily】4人限聚令下 參選團隊拆散去報名

【明報專訊】立法會選舉聽日至31日接受提名，但政府新實施限聚令，唔准超過4人聚集，就令唔少參選人頭痛。選舉事務處同Emily講，報名參選屬政... 詳情

被撤歷史題評卷參考：滿分須兼提利弊論據

【明報專訊】中學文憑試歷史科試題「1900-45年間，日本為中國帶來的利多於弊」，被指嚴重傷害國民尊嚴、誤導考生，終要取消及不計分。考評局昨... 詳情

港大附屬學院 網上到校皆可報讀

【明報專訊】中學文憑試（DSE）下周三（22日）放榜，據考評局資料，今年學校考生約4.6萬人，較去年少約5%。職業訓練局（VTC）昨稱報讀人... 詳情