【Emily】陳弘毅：一國兩制現中年危機 稱何謂「運作良好」 市民有角色評價
[2020.04.18] 發表
【明報專訊】基本法委員會委員、港大法律學院教授陳弘毅，噚日參加中大法律學院舉辦嘅「香港基本法的起源」網上研討會，佢話當年《基本法》起草委員對一國兩制點樣運作幾理想化同樂觀，但結果𠵱家23條同特首普選都未做到。
佢笑言，當年嘅年輕人有野心同希望，但𠵱家已經係中年人，當年想做到嘅至今未達成，出現「中年危機」(midlife crisis)，同香港一國兩制一樣，但大家都未放棄，要反思過去20年有咩未做得好，並要重申基本法呢個「偉大設計(grand design)」嘅初心。
「中方起草時開放 聽市民意見」
陳弘毅話適逢基本法頒布30周年，於是講起草嘅歷史故事。佢話去年反修例事件出現對一國兩制嘅危機，有人問一國兩制係咪繼續實行，現時係好時機回顧基本法起草。佢相信，中方起草基本法時態度開放，有聽香港委員同市民嘅意見，嘗試保障基本法嘅正當性(legitimacy)；不過，起草委員唔係好有經驗處理直接選舉，唔知設計嘅政制1997年後會點運作，所以傾向循序漸進嘅民主化，例如立法會直選議席亦由回歸後20席，慢慢增加。
被問到一國兩制嘅未來、2047年有咩挑戰，陳弘毅引用已故國家領導人鄧小平嘅說話，只要一國兩制運作良好，無原因喺2047年後唔繼續。不過，陳教授話問題係何謂「運作良好」，佢認為除咗中央政府可以評估，香港市民亦有角色評價。
更多港聞
【明報專訊】民主黨深水埗區議員袁海文撈過界，噚日多咗一個身分，做埋Emily「行家」，晉身報刊老闆！袁海文同Emily講，佢啱啱申請到政府嘅...
詳情
【明報專訊】立法會內務委員會噚日會議仲未選出主席，泛民、建制就公民黨郭榮鏗應唔應該繼續主持主席選舉，再度唇槍舌劍。民建聯周浩鼎無發言，不過都...
詳情
【明報專訊】司法機構噚日宣布委任周慧珠、翟國怡、林澤銘、楊綺娜、蕭志韻、龍軍庭、屈麗雯、余俊翔及施祖堯為常任裁判官。有關任命係由行政長官根據...
詳情
相關新聞
