【Emily】朱凱迪問武警會否變公僕

【明報專訊】立法會噚日舉行特別財委會，早前路透社引消息話有4000名內地武警到港參與警方前線工作，議會陣線朱凱�Y質疑，如果警務處委任內地武警為「特務警察」在港執法，呢批武警會否被視為「公務員」；公務員事務局長羅智光回應時話，警務處委任任何執法人員為公務員，都必定係香港永久居民，「不存在朱議員所想像�鴭e任」。

羅智光：

警務處委任的必是永久居民

朱凱�Y又話，明明警務處同香港電台去年都不斷超時工作，但未來一年警隊編制增加高達2543人(7%)、港台編制只加6人(0.8%)，質疑局方係咪唔批准港台增加人手。羅智光就話不能評論各部門情�G，但強調每個增加編制建議都以審慎態度處理。

公民黨郭家麒質疑，由去年6月至今年2月，共有43名公務員接受警隊調查，其中42人要停職，但警員�飪q單車亂撞人都只係暫停前線工作，質疑警隊似「太上皇」。民建聯葛珮帆就質疑好多公務員被指參與非法集結。羅智光就叫郭家麒唔好用「濫暴」有色眼鏡睇警隊，強調管理一定係「一視同仁」；佢又同葛珮帆講，40多名公務員涉參與不法活動，「相對18萬公務員係小數目」。