【Emily】余若薇教車口罩套 Ann姐share「乾蒸法」
[2020.02.18] 發表
【明報專訊】疫情唔知幾時完，市民扭盡六壬慳住用口罩，但唔係人人都可以學勞福局長羅致光咁，返足22日工都唔用、慳到至少22個口罩。公民黨余若薇(Audrey)就拍片教大家點整口罩套，話大家可以將外科口罩放入套內，延長使用期。公民黨引述港大微生物學系講座教授袁國勇，布口罩功效雖然不及外科口罩咁可以阻隔到九成病毒，但都大約有七成作用。
另一邊廂，早前轉載教大家蒸口罩消毒而引起好大迴響嘅民建聯立法會議員蔣麗芸(Ann)，噚日再次上載蒸口罩教學消息，今次佢係上載台灣蘋果日報報道用電鍋乾蒸口罩嘅「電鍋乾蒸法」片。Ann姐話自己都未試過呢種蒸法，「信者可參考，不信者就繼續當笑話吧」。
講番Audrey，佢近年好喜歡車衫仔畀啲孫，估唔到車衣技術可以大派用場，佢親自拍片教大家點整口罩套，話只需要防水層、棉布、橡筋，以及包膠鐵線等就可以做好一個口罩套。大家可以將外科口罩放入口罩套內使用，延長外科口罩的壽命。但公民黨都話，用口罩套都係無可奈何，「鬼叫個政府無能」。
更多港聞
【明報專訊】建造業議會噚日聯同業界推出「建造業抗疫關愛行動」，希望集合地產商、建築商、分包商等業界力量籌款，以現金援助受疫情影響嘅本地註冊工...
詳情
【明報專訊】特首林鄭月娥提出250億元款項抗疫，立法會財委會周五開會專門審理呢個項目，財委會主席陳健波噚日就想用民意向泛民議員施壓。波哥喺f...
詳情
【明報專訊】武漢肺炎喺本港蔓延，李嘉誠基金會噚日公布，繼早前捐款1億元支援武漢醫護後，基金會早前喺全球搜購嘅首批口罩同防護物資已經到港，並喺...
詳情
相關新聞
